Əsəb xəstəliyi ve tesirinden əmələ gələn digər xəstəliklər. Əsəbi və yuxusuzluğu aradan qaldıran təbii vastələr

Əsəb  xəstəliyi ve tesirinden əmələ gələn digər xəstəliklər. Əsəbi  və yuxusuzluğu aradan qaldıran təbii  vastələr

♦ Elə bir xəstəlik yoxdur ki, əsəb sistemi ilə bağlı olmasın. Sinir sistemi orqanları həyat faəliyyətində həlledici rol oynayır. Narahatlıq, həyəcan, əsəb pozğunluğu, ürək xəstəliyinə, yüksək qan təzyiqinə, vərəmə belə gətirib çıxara bilər.

Qəflətən qəzəblənmək, xüsusi ilə ürək xəstəliyi, ya hiporteniya (təzyiq) zamanı iflic olmağa, beyinə qan sızmasına, ölümlə nəticələnməyə səbəb ola bilər. Yadda saxlamaq lazımdır ki:

-               Qorxu hissi və ağlamaq ürək üçün,

-               Qəzəb hissi qara ciyər üçün təhlükəlidir,

-               Qorxu, nigaranlıq böyrəklərə,

-              Qəmginlik dalağa, mədəaltı vəzə,

-              Darıxma ağciyərə zərərlıdir.

  Artıq həyəcan mədənin pozulmasma səbəb olur. O uzun müddət davam edərsə qastritə, mədə divarlarınm dağılmasına və yara əmələ gəlməsinə səbəb ola bilər.

-              Tər ifrazmı sinir sistemi nizama salır. Tez əsəbləşən adamlar daha çox tərləyir. Belə adamlar nə inki isti havada, hətta yünğül fıziki işdən, kiçik bir həyəcanlamadan da tərləyirlər. Əsəbləri sakitləşdirmək üçün idman və soyuq suda yuyunmaqdan istifadə edilməlidir. Bunlar əsəbləri sakitləşdirən vasitələrdir. Əsəbləri sakitləşdirməyin və möhkəmləndirməyin qayğısına daim qalmaq lazımdır.

-              Müəyyən edilmişdir ki, mədə xorası təkcə mədənin deyil bütün orqanizmin xəstəliyi hesab olunur. Ona görə ki, sinir sisteminin vəziyyəti ilə sıx əlaqədardır.

-              Xalq təbibləri məsləhət görürlər ki, əsəbləri sakitləşdirmək, beyin və ürək damarlarının fəaliyyətini tənzimləmək üçün zirinc dəmlənməsi içmək lazımdır. Bir xörək qaşığı zirinci bir stəkan qaynar suda 10 dəqiqə dəmləyib üstünü örtür, sonra cunadan keçirib (süzüb) ondan gündə 3 dəfə, hər dəfədə yarım stəkan içirlər.

-              Yovşan bitkisinin uc hissəsini xırda-xırda doğrayıb onun bir xörək qaşığım bir stəkan qaynar suda dəmləyib, süzür və axşamlar ondan yarım stəkan icirlər. Bu əsəbləri sakitləşdirir və şirin yuxu gətirir.

-              Şərq qərənfilinin çiçəyindən və yarpaqlanndan 20 qr. götürüb bir stəkan qaynar suda dəmləyib üstünü basdırırlar. Sonra süzərək ondan gündə 3 dəfə, hər dəfədə yarım stəkan içmək əsəb sistemini möhkəmləndirir.

-              Xamırmaya otunun xırdalanmışından 3 xörək qaşığını 3 stəkan qaynar suda 5 dəqiqə dəmləyir sonra onu süzüb bir az şəkər qataraq ilıq halda gündə 3 dəfə, hər dəfədə yarım stəkan içirlər. Bu yuxugətirən dərmanların ən təsirlisidir və yuxusuzluğu aradan qaldırır.

-              Yatmazdan qabaq təzə ilıq südə bir çay qaşığı bal qarışdırıb qurtum-qurtum için. Sonra bir tikə qəndə 30-40 damcı pişikotu (valerian) cövhəri damcıladıb sorun. Bu yaxşı yatmaq üçün ən münasib təminatdır.

-              Xalq təbibləri eyni miqdarda yarpızı və kəklikotunu xırda doğrayıb qarışdırmağı və onun 20 qramını bir stəkan qaynar suda 10-15 dəqiqə dəmləyib gündə 3 dəfə, hər dəfədə yarım stəkan içməyi lazım bilirlər. Bunu 2 həftə davam etdirmək lazımdır. Nəticədə əsəblər sakitləşir və yuxusuzluq aradan qaldırılır.

-              Çobanyastığı çiçəyinin 20 qramını bir stəkan qaynar suda bir saat saxlayıb sonra onu ikiqat tənzifdən keçirin, bir qədər şəkər töküb qarışdırın və için. Hər axşam yatmazdan əvvəl belə etsəniz əsəb gərginliyinin əmələ gətirdiyi əziyyətdən xilas olarsınız.

-              Qurudulmuş razyanam (boyananı) ovub ondan 20-30 qramını götürüb üzərinə 1 litr su töküb vam odun üzərində qaynamağa başlayandan bir dəqiqə sonra götürüb 10 dəqiqə dəmdə saxlayırlar. Hər dəfə yeməkdən bir az sonra bir stəkan içirlər. 10-15 günlük belə müalicədən sonra əsəblər sakitləşir və yuxusuzluq halları aradan qalxır.

-              Əsəb sistemi pozulmuş narahat tipli adamlar 20 gün müddətində bədəninin ümümi çəkisinin hər kiloqramına bir millilitr hesabı ilə abqora (Abqora – Kal üzümdən alınmış üzüm meyvəsinin şirəsi, qorasuyu) içsələr xeyrini görərlər.

-              Çuğunduru döyüb sıxıb şirəsini çıxarın və onu eyni miqdarda balla qanşdırıb, yatmazdan əvvəl bir stəkan için. Bu qan təzyiqini aşağı salır, əsəbləri sakitləşdirir və şirin yuxu gətirir.

-              Istər çiy halda, istərsə də bişmiş halda yeyilən kahı yuxusuzluğu aradan qaldırmaq təsirinə malikdir. Gündə bir neçə dəfə kahı yeməklə müalicəni 1-2 həftə davam etdirmək lazımdır.

-              Bir stəkan qaynar suya 2-3 ədəd bənəvşə yarpağı atıb 10 dəqiqə dəmləyir, süzür və bir çay qaşığı bal qanşdırıb axşam yatmazdan əvvəl içirlər. Bu yuxusuzluğu dəf edir və şirin yuxu gətirir.

-               50 qram şüyüd toxumunu 500 millilitr çaxıra (kaqora yaxud partveynə) qatıb 15-20 dəqiqə zəif odda qaynadın, süzüb sıxaraq şirəsini çıxarın. Bu şırədən yatmazdan bir az qabaq yarım stəkan için. Bu yaxşı yuxu gətirən vasitə hesab olunur.

-               Xalq təbabətçiləri yemşam yuxugətirənlər sırasma daxil edirlər. 100 qram əzilniş və ya döyülmüş yemşana yarım litr su əlavə edib vam odda 30 dəqiqə dəmləyirlər. Sonra 10-15 dəqiqə soyudur və süzürlər. Bu dəmləmədən gündə 3 dəfə 50-60 qram qəbul edirlər. Yuxusuzluğa qarşı müalicənin müddəti 2 həftəyə qədərdir.

-              10 qram təzə açılmış yemşan çiçəyini 100 qram arağa qatıb qarışdırm və 10 gün qaranlıq yerdə saxlaym. Sonra süzüb bundan gündə 3 dəfə, hər dəfədə 20-25 qram suya qatıb qəbul edin. Bu sizi əsəb ərginliyindən xilas edəcəkdir. Müalicəni 2 həftə davam etdirmək lazımdır,

-              Əsəbləri möhkəmləndirmək üçün badamı suda isladıb qabıqdan təmizləyirlər. Gündə 30 ədəd (gündə 3 dəfə, hər dəfədə 10 ədəd hesabı ilə) yemək faydalı hesab olunur. Müalicəni, vəziyyətindən asılı olaraq, xəstə özü müəyyən etməlidir.

-               Novruzgülünün qurudulub döyülmüş və ovulmuş yarpaqlarından 5 qramını 200 qram suda 10 dəqiqə qaynadır, soyudub sıxaraq şirəsini alırlar. Bu şirədən gündə 3 dəfə, hər dəfədə bir xörək qaşığı içirlər. 2 həftəlik müalicədən sonra əsəbləriniz möhkəmlənəcək, fıziki gərğinliyiniz yox olacaq, itirilən qüvvəniz bərpa olunacaq.

-              Xalq təbibləri deyirlər ki, şam edərkən xörəklə yanaşı bir baş orta böyüklükdə soğan yemək möhkəm və gümrah yuxuya zəmin yaradır.

-              Gündə 3 dəfə, hər dəfə yeməkdən sonra bir stəkan limon şirəsi içmək əsəbləri möhkəmləndirir.

-              Hər gün portağal və naringi yemək, yaxud onların şirəsin içmək əsəb böhranı və gərginliyi zamanı çox faydalıdır.

-              Əsəb xəstəliyində 2 dəstə təzə gəndalaş və gicitkəni doğrayıb üzərinə 2 yumurta çırpıb yemək çox xeyirlidir. 5-6 gün təkrar etmək lazımdır.

-              Yuxusuzluqda hər axşam bir stəkan turp suyu içmək (2-3 gün) məsləhətdir

-              Yuxusuzluqda vaxtaşırı axşamlar yovşan və damotundan müəyyən qədər dəmləyib içmək məsləhətdir.

-              Əsəb xəstəliyindən əziyyət çəkənlər vaxtaşırı alma və şaftalı yeməlidir.

-              Əsəbləri xəstə olanlar yaz vaxtı şahtərə oturidan hazırlanmış dovğa və qutab yeməsi (vaxtaşırı) məsləhətdir.

ANEMİYA -zamanı aşağıdakı şirələr qarışığından istifadə edilir!

ANEMİYA

ANEMİYA - aşağıdakı şirələr qarışığından istifadə edilir:

280 q kök və 100 q ispanaq;

280 q kök vo 200 q şirin şüyüd;

200 q kök, 110 q kərəviz, 60 q cəfəri və 90 q ispanaq;

230 q kök, 90 q çuğundur və 140 q korəviz;

280 q kök, 90 q çuğundur və 90 q xiyar;

310 q kök vo 90 q çuğundur;

260 q kök, 90 q çuğundur vo 110 q kahı salatı;

230 q kök, 140 kahı salatı vo 90 q ispanaq;

230 q kök, 110 q quşqonmaz və 110 q kahı salatı

Zohrab

Əsəbilik, yorğunluq, yuxusuzlu və onlardan azad olmanin təbi yolları

Əsəbilik, yorğunluq və yuxusuzluq 

Əsəb narahatlığı müxtəlif amillər və səbəblərlə bağlıdır. Bu narahatlığın aradan qalxmasında əsas şərtlərdən biri, insanın iradəli olmasıdır. Belə olduqda bədənin müqaviməti artır, o, xəstəliyə üstün gəlir. Bununla yanaşı, əsəb zəifliyi törədən amillərə qarşı müalicə aparmaq lazımdır. Həssas adamlar əsəb xəstəliyinə daha tez tuturlar.
Bir sıra qidalar əsəblərin möhkəmlənməsində mühüm rol oynayır. Bu baxımdan armud, yumurta, süd, düyü, lobya, noxud, kartof, kələm, kahı, çörək, alma, zeytun yağı, təzə xama, pendir, badam içi kimi qida məhsulları mühüm əhəmiyyət daşıyır.
Əsəb zəifliyi olan şəxslərdə adətən yuxusuzluq halları da müşahidə edilir. Belə şəxslər ilk növbədə yuxusuzluğa qarşı mübarizə aparmalıdır. Tə”sirli müalicə üsullarından biri açıq havada gəzinti, çimmək, müxtəlif əyləncə ilə məşğul olmaqdır. Əsəb xəstəliyi zamanı xüsusilə ürəyin qayğısını çəkmək lazımdır.
Bir sıra mənfi amillər – nigarançılıq, təngə gəlmək və s. yorğunluqa və nəticə e”tibarilə əsəblərin zəifləməsinə səbəb olur. Həddindən çox yorğunluq əsəbləri qıcıqlandırır, yuxusuzluq baş verir, qan təzyiqi yüksəlir, ürək zəifləyir. Bu cür zəif adamlar yemək rejimini gözləməli, özünü çox yormamalı, yuxu rejimini saxlamalıdırlar.
Əsəbi yorğunluq və narahatlıq hallarında, bir sıra bitki mənşəli dərmanların işlədilməsi müsbət tə”sir gös`tərir. Çobanyastığı çiçəyi yorğunluq, əsəb ağrıları və başağrıları zamanı faydalıdır. Bunun üçün 1 xörək qaşığı quru çiçəyi 100q qaynadan suda 1 saat dəmə qoyur, sonra süzərək bir azca şirin edir və işlədirlər. Onun yağını isə əsəbdən ağrıyan yerlərə sürtmək məsləhətdir.
Bədmüşk yarpağının qaynanmış suyu və ya çiçəyinin dəmləməsi (150q qurumuş çiçəyi 1L qaynar suda 12 dəq ərzində dəmləyib bir az şəkər qatırlar) gündə 3 dəfə olmaqla yeməkdən əvvəl 1 fincan tövsiyə edilir.
Əsəb pozğunluğunda 15–30q quru razyananı xırdalayıb 1L soyuq suya tökür, od üzərində 1 dəq qaynadırlar. Sonra onu 10 dəq ərzində dəmə qoyur, süzüb bir az bal əlavə edərək yeməkdən sonra 1fincan işlədirlər. Bu zaman baş ağrısı dayanır, yuxu gəlir və əsəblər sakitləşir. Bu baxımdan 10q pişikotu kökünün 1L suda qaynamasından alınan məhlul da faydalı sayılır.
Əsəbdən doğan ağrılar zamanı 5q xırdalanmış tərxunu 1 fincan qaynanmış suda bir müddət dəmə qoyur, yeməkdən sonra içirlər. Əsəbi narahatlığı olanlar üçün üzüm xeyirli vasitələrdən biri sayılır. Onun şirəsini işlətmək daha yaxşıdır. Ispanaq və vəzəri də yorğunluq və əsəbi narahatlıq zamanı faydalıdır. Xaşxaş yuxu gətirəndir və əsəbləri sakitləşdirir. Onun çiçəyindən də istifadə edirlər.
Əsəb ağrıları olan yerlərə qozun qərzəyindən, bişmiş kələm yarpağından təpitmə qoymaq müsbət tə”sir göstərir. Sarımsağı döyüb yumşaldır, onu kamfora yağı ilə qatıb fəqərə sütununa sürtürlər. Bu cür masaj həm yorğunluğu çıxarır, həm də əsəbləri sakitləşdirir.
Əsəbi hallardan sonra, çox fikirli və qəmli olarkən, 50 q-dək reyhanı (çiçək və yarpağı ilə birlikdə) 1L qaynanmış suda bir müddət dəmə qoyub süzür, bal ilə şirinləşdirib, yeməkdən sonra 1 fincan içirlər. Əsəbləri möhkəmləndirmək üçün badamı suda isladaraq qabığını soyub yemək məsləhətdir. Hər dəfə 10 ədəd badam yemək tövsiyə edilir.
Zehni əməklə məşğul olan şəxslər yorğun və əsəbi olurlar. Onlar üçün yemək zamanı mərcimək və ərik işlətmək məsləhət görülür. Kahı əsəbilik, yuxusuzluq, əsəbdən olan üz ağrıları, ürək döyüntüsü, əsəbi qıcıqlar və öskürək zamanı məsləhət görülür.
Çox yorğun olan və əsəbi narahatlıq keçirən adamlar üçün bal ən yaxşı qidalardan biridir. Alma, ərik və limon şərbəti də əsəbləri möhkəmləndirir, zehni fəaliyyəti gücləndirir. Əsəbi böhran və gərginlik hallarında portağal və naringi yemək əsəbi amilləri tənzimləməyə kömək edir. Mərəçüyüd və sumaq isə əsəblər üçün zərərdir.
Əsəb xəstəliyi olanlar dağətəyi yerlərdə, yaxşı abhavası olan yaylaqlarda, sakitlik şəraitində istirahət etməlidirlər.
Yuxusuzluğu törədən səbəblər müxtəlif ola bilər. Bundan asılı olaraq, yuxusuzluğu aradan qaldırmaq üçün müvafiq tədbirlərdən istifadə olunur.
Bə”zi hallarda yuxusuzluq həzm prosesinin pozulmasından irəli gəlir. Belə olduqda ürəyin fəaliyyəti pisləşir, qan dövranının normal davam etməsi pozulur. Bu zaman həzm prosesini gücləndirən tədbirlər görmək lazımdır.
Yataq yeri rahat, otağın havası təmiz, qış zamanı yatarkən ayaqlar isti olmalıdır. Rahat yatmaq üçün yatmazdan əvvəl xaşxaş qabığının qaynanmış suyundan 1 fincan içmək lazımdır. Bunun üçün 10q yetişmiş, quru xaşxaşın qabığını 200q suda 5 dəq qaynatdıqdan sonra, 10 dəq müddətində dəm çəkməyə qoyurlar. Sonra onu süzür, azca bal əlavə edərək 1 fincan içirlər. Yuxusuzluğa qarşı işlənən dərmanlardan biri də pişikotunun dəmləməsidir. Bunun üçün onun 60–100q quru kökünü 1L suya tökərək 12 saat saxlayır, sonra süzüb ondan 1 fincan içirlər.
Başqa bir vasitə kimi, 25q təzə dərilmiş və ya quru itburnu meyvəsini 1L soyuq suda 3 saat isladırlar. Sonra mülayim od üzərində 5 dəq qaynadır, 15 dəq dəm aldıqdan sonra süzüb bir azca şirin edərək, gün ərzində bir neçə dəfə içirlər.
Yuxusuzluq və əsəbi narahatlığı olan alamlar, şam yeməyi zamanı kahı yeməlidirlər. Axşamlar yatmazdan əvvəl alma yemək də bu baxımdan faydalıdır. Belə adamlar özlərinin yemək rejimlərini elə tərzdə tənzim etməlidirlər ki, ardıcıl sürətdə çox ət, yumurta və tərkibində nişasta olan başqa yeməklərdən bir növ pəhriz saxlamış olsunlar. Bunun əvəzində yemək zamanı daha çox göyərti və turş meyvələr, o cümlədən limon işlətmək məsləhətdir.
Zehni əməklə məşğul olan şəxslərə yemək zamanı soğan işlətmək məsləhət görülür. Zəiflik, əsəbi və fiziki yorğunluq zamanı, soğan orqanizm tərəfindən tez məsrəf olunur, nişasta tərkibli maddələrin həzmini asanlaşdırır və beləliklə orqanizmi yatmaq üçün hazırlayır. Bu baxımdan şam yeməyi zamanı qara turp işlətmək də faydalı hesab edilir.
Yuxusuzluq zamanı 25q pərpərəni 1L suda dəmləyərək işlədirlər. Qocaların yaxşı və çox yatması üçün yeralması yemək tövsiyə edilir. Xiyarın da yuxu gətirmək xüsusiyyəti vardır. Şam yeməyindən sonra naringi yemək də rahat yuxu gətirir. Balqabaq tumunun şirəsini süd və ya suda bişirib işlətmək, yuxusuzluq hallarında tövsiyə edilir.
Yuxusuzluğa qarşı işlədilən vasitələrdən biri də bədmüşkdür. Onun 50q qurumuş yarpağını 1L qaynar suda 2 dəq qaynadır, 10 dəq ərzində dəmə qoyurlar. Sonra süzərək gündə 3 dəfə, hər dəfə 1 fincan işlədirlər. Bədmüşkün 50q qurumuş çiçəyini 1L olduqça qaynar suda 12 dəq dəmləyir, sonra şirinləşdirib gündə 3 dəfə, hər dəfə də 3 fincan yeməkdən əvvəl işlədirlər.