DRAJELƏR dərman növləri

                                               

   DRAJELƏR

DRAJELƏR - (Dragee) daxilə tə'yin olunmaq məqsədi ilə dərman zavodlarında hazırlanır. Drajelər dənəciklərdən fərqli olaraq bərk dərman növlərinin digər nümayəndələri (tabletlər, kapsullarvə dozalanan poroşoklar) kimi dozalanan dərman növü hesab edilir.

Drajelər tabletlər kimi dəqiq dozalanır, az yer tutur. Uzun müddətə saxlandıqda öz farmakoloji tə’sirlərini itirmir, bağırsağdan asan sorulur. Drajelərin tərkibində əksər hallarda güclü tə’sirə malik dərman maddəsi olur. Həmin maddənin qıcıqlandırıcı xassəsi, xoşagəlməz iyi və dadı drajelərin qəbulu zamanı hiss edilmir. Əvvəllər drajelər qranulalar adı altında istifadəyə buraxılırdı. Hazırda isə dərman zavodlarında mikroqranulaların xarici təbəqəsini şokolat, kakao və s. maddələrin poroşokları ilə su- vayıb rəngləmək yolu ilə onları drajelər halına salırlar. Drajelərin çəkisi qramdan artıq olmur. Son zamanlar drajelər həm də mikrodrajelər halında istehsal olunur və tabletlərin tərkibində bə’zən isə kapsulların içərisində istifadəyə buraxılır. Bu növ tablet və kapsulların tə’siri, adi tablet və kapsulların tə’sirinə nisbətən daha uzunmüddətli olur. Çünki onların tərkibindəki, mikrodrajelər mə’də-bağırsağ sistemində tədriclə bir-bir həll olur və tədricən sorulur. Odur ki, tə’sir müddəti qismən uzanır. Drajelərə resept bir variantla yazılır. Drajelərə resept yazmaq üçün Rp.:-dən sonra draje-Dragee sözü ondan sonra dərmanın adı və onun birdəfəlik dozası qramla göstərilir. Reseptin 4 -cü hissəsində D.t.d. N - sözləri yazılır. Resept S. göstər sözü ilə sona çatır. Məs.:

Rp.: D  ragee Mydocalmi -0,05

D.td. N -30

S. Gündə 3 dəfə 1 draje qəbul etməli. (Skelet əzələsinin tonusunun patoloji yüksəlməsində).

Rp.: Dragee Aminazini -0,025                                              

D.t.d. N -15

S. Gündə 3 dəfə 1 draje daxilə qəbul etməli.

Rp.: Dragee Diazolini-0,05

D.t.d. N 15

S. Gündə 3 dəfə 1 draje  daxilə qəbul etməli.